«Бәйтерек» холдингі мұнай-газ саласындағы компаниялар үшін қаржы құралдарымен таныстырды

«Бәйтерек» холдингі ZOOM арқылы вебинар өткізіп, Қазақстанның мұнай-газ саласында жұмыс істейтін компанияларға өзінің қаржы құралдарын таныстырды.


 


Вебинарға әртүрлі мұнай жабдықтарын жеткізу, климаттық жабдықтарды өндіру, металл конструкциялары, арнайы киімдер, құрылыс материалдары, компоненттер, сондай-ақ сервис және логистика саласындағы 50-ге жуық компания қатысты.


 


«Бәйтерек» холдингінің активтерді басқару департаментінің директоры Әлия Мырзағалиева атап өткендей, компаниялар Холдингтің еншілес ұйымдары – Қазына Капитал Менеджмент, Қазақстанның Даму Банкі, өнеркәсіпті дамыту қоры, «Даму» кәсіпкерлікті дамыту қоры және KazakhExport-тан қаржылық қолдау ала алады. Қатысушылар олардың қызметімен толығырақ танысты.


 


Оның айтуынша, Холдингте «бір терезе» қағидасы қолданылады. Алдымен инвесторлар «Digital Baiterek» платформасы арқылы өтінім береді. Содан кейін, жобаның бағытына байланысты, олар тиісті қолдау көрсететін еншілес ұйымдармен кездеседі. Барлық тараптардың шешімінен кейін жобалық құжаттаманы дайындау жүргізіледі. Одан кейін жобаны қаржыландыру және дайындау жүріп жатыр, бұл тікелей іске асыруға алып келеді.


 


Әлия Мырзағалиева қазақстандық компанияларды өз жобаларын іске асыру үшін мемлекеттік қолдауды белсенді пайдалануға шақырды.