Банк аралық несиелеу

Банк аралық несиелеу – бұл екінші деңгейлі банктер арқылы ҚДБ ақырғы қарыз алушыларды шартталған қаржыландыру.
Банк аралық несиелеудің мақсаты (бұдан әрі – БАН) экономиканың басым салаларындағы 30 млн АҚШ долларына дейінгі сегментте жеке кәсіпкерлік жобаларын Даму Банкінің қаржыландыруы, өңдеуші өнеркәсіпте жаңа кәсіпорындарды құру және қазіргі кәсіпорындарды кеңейту, қолданыстағы жобаларды қайта қаржыландыру және айналма капиталды толтыру. Бірлескен несиелеу механизмі ҚДБ қолжетімді қаржыландыруды шағын және орта бизнеске жеткізуге, бұл ретте несиелік тәуекелдерді және жобаларды іске асыру мониторингісінің рәсімін коммерциялық банктермен бөлуге мүмкіндік береді.

2014 жылдың қаңтарынан бастап ҚДБ Банктің келесі бағдарламаларының аясында екінші деңгейлі банктер арқылы ақырғы қарыз алушыларды несиелейді:
1. «Қазақстанның Даму Банкі» АҚ Екінші деңгейлі банктерді қаржыландыруы арқылы Қазақстан Республикасының индустриалды-инновациялық дамуын қолдау бағдарламасы
2. «Қазақстанның Даму Банкі» АҚ Екінші деңгейлі банктерді несиелеу бағдарламасы
2014 жылдың желтоқсанынан бастап ҚДБ коммерциялық банктер арқылы ҚР Үкіметімен 2014-2016 жылдары бекітілген кәсіпкерлік субъектілерді қолдау мемлекеттік бағдарламаларын қаржыландырады:
1. Өңдеу өнеркәсібіндегі ірі кәсіпкерлік субъектілерін несиелеу (І және ІІ транш)
2. Отандық өндірушілер қолдау
Банк аралық қаржыландыру шарттарына сәйкес әріптес банктерге бөлінетін қаражатты қаржылық құралдарға және/немесе олармен операцияларға, сондай-ақ шетелдік валютаны сатып алу үшін валюталық нарыққа инвестициялауға тыйым салынады. ҚДБ несиелік ресурстарды игерудің және олардың мақсатты пайдалануының барысына тұрақты мониторинг жүргізеді.

Өтінішті қарау мерзімі барлық құжаттарды алған күннен бастап 3 күннен 30 жұмыс күнге дейін.